Шумбратадо, вечкевикс ялгат!
Топавтсынек меленк. Тесэ кармить улеме Евгений Самаркинэнь моронь валтнэ.
Здравствуйте, дорогие друзья! Вашему вниманию здесь будут представлены полюбившиеся нам тексты песен известного эрзянского исполнителя Евгения Самаркина. Песни здесь еще не все. По вашему желанию будем выкладывать и другие.
Вам огромная просьба: подписывайтесь, кто и откуда.
Моро тиринь веледе
Саян мон конёв,
Пазнэнь сюконян
Ды эрзянь кельсэ
Тынк марто вейсэ
Моро серьгедян
Тиринь веледень.
Ды эрзянь кельсэ
Тынк марто вейсэ
Моро серьгедян
Тиринь веледень.
Сонзэ паксятне,
Кенерезь прятне
Мештезэм комить,
Моронть кунсолыть,
Сон эрзянь кельсэ
Жойни седейсэ.
Вармась сайсазо
Вирев пачтьсазо.
Сэрей пичетне,
Ашо килейтне
Неть эрзянь валтнэнь
Морыть монь марто.
Сэрей пичетне,
Ашо килейтне
Неть эрзянь валтнэнь
Морыть монь марто.
Валдо менельсэ,
Ванькс, домка лейсэ,
Масторонь келес
Гайги вайгелесь:
Свал ульть тон, велем,
Кирдть эрзянь келенть!
Мазый руцясо,
Эрзянь панарсо
Од ломанть ютыть,
Ламо вий путыть,
Эрязо велесь
Ды эрзянь келесь!
Од ломанть ютыть,
Ламо вий путыть,
Эрязо велесь
Ды эрзянь келесь.
Нармунень морокс
Ливти васолов
Те эрзянь валось,
Прок тештекс, палы,
Ванстсы сон веленть
Ды тиринь келенть.
Те эрзянь валось,
Прок тештекс, палы,
Ванстсы сон веленть
Ды тиринь келенть.
Эряк, велинем
1.Валскень зорява сувонь пачк
Чиян пандопряв, пильгень начк.
Каштотсо кшинь паньма чинесь
Пештизе велесть.
Мороюткось:
Вай, тон велине, велинем,
Кисэть мелявты седеем.
Тесэ ютась монь вишка шкам,
Жальсимем авам.
Эйкакшонь налксема вайгельть,
Кудонь перька свал ламо тевть.
Тетянь кедензэ икелень.
Эряк, велинем.
2.Саян озавтан чувтыне,
Лангсонзо кармить нурсеме
Письмар левкстнэ ды цёковось
Серьгедьсы морость.
Мороюткось:
Вай, тон велине, велинем,
Кисэть мелявты седеем.
Тесэ ютась монь вишка шкам,
Жальсимем авам.
Эйкакшонь налксема вайгельть,
Кудонь перька свал ламо тевть.
Тетянь кедензэ икелень.
Эряк, велинем.
3.Пек нурькинеть кизэнь ветне,
Яксить-морсить од тейтертне.
Солавтыть од цёрань седейть,
Одкстомтыть веленть.
Мороюткось:
Вай, тон велине, велинем,
Кисэть мелявты седеем.
Тесэ ютась монь вишка шкам,
Жальсимем авам.
Эйкакшонь налксема вайгельть,
Кудонь перька свал ламо тевть.
Тетянь кедензэ икелень.
Эряк, велинем.
4. Баягань вачкодьма гайтесь
Маряви омбо веленть пес.
Ойменть валдомты пазонь вал,
Истя улезэ свал.
Свал тон велине, велинем,
Кенярдовт, оймавт седеем.
Тесэ ютась монь вишка шкам,
Жальсимем авам.
Эйкакшонь налксема вайгельть,
Кудонь перька свал ламо тевть.
Тетянь кедензэ икелень.
Эряк, велинем.
Мейс тон эзить са?
1.Мейс тон эзить са,
Зярдо ковось стясь?
Эйсэть учинь кода,
Нать, ламо теветь,
Кись эзь муеве,
Аваткак эзь нолда.
Нать, ламо теветь,
Кись эзь муеве,
Аваткак эзь нолда.
2. – Маштозельть тевень,
Кись свал икелень,
Авам ойме путы.
Вишка ялакскем
Кекшинзе карень,
Кодаяк а мусынь.
Вишка ялакскем
Кекшинзе карень,
Кодаяк а мусынь.
Сыре патинем
Вешнинзе картнень,
Содси, карси, кучи:
Ютак, сазорнэм,
Мазый тейтерстень
Конась эйсэть учи.
Ютак, сазорнэм,
Мазый тейтерстень
Конась эйсэть учи.
3.Чуди-капши лей,
Аволь пек келей.
Чиян – эскельдяса.
Максомизь тынь монь,
Тиринь авинем,
Конань монсь кочкаса.
Максомизь тынь монь,
Тиринь авинем,
Конань монсь кочкаса.
ТЕШТЕТЬ ИДИЦЯТ
1.Варштавинь менельс, тосо тештеть валозь,
Исяк арасельть, косто саевиде тынь?
Маринь - Чечнясо минек цёрат чавовсть,
Паряк, ней верде ваныть лангозонок сынь...
Кармат ловомост - сельметь эйзэст ёмить,
Цецянь покш паксякс, прок викшнизь менельсть
Зяро тиринь модань идиця ойметь,
Верев куземстэ озны ломанть несть.
Мороюткось:
Афганистанонь ды Кавказонь кевень модась,
Сэрей пандонзо ды латксо теине кить.
Пси верьсэ валозь аштить, ансяк пазось соды,
Зяро цёрань седеест одсто а чавить.
Зяро ават чистэ сельведть кисэзэст валыть,
Кода тетявтомо эйкакшт ськамост кастыть.
Чавозь цёратнень жо оймест свал тештекс палыть,
Менелень валдосо нейгак минек ванстыть.
2.Маряви вайгель... Косто сон кайсети?
Калмотнень ёндо вармась тей пуви.
Сэтьместэ увны, ды одов кепети,
Авань лайшемась васолга туи.
Стака кирдемс те рангамонть седейсэ,
Калмонть лангс прат, экше ёжо лекстят.
Менельсэ тешттне пурнавсть весе вейсэ
Ды эйстэст вайгель: «Авай, курок стяк».
Мороюткось:
Паро тевенк вандынь эрямо чисэ
Ёвтнеме кармить пингеде пингес.
Пазонть икеле палы штатол кисэнк
Тесэ же ломанть сюконить пильгес.
Мороюткось:
Сэтьме ве
Сизезь веленть вельтясы чоподась,
Пси чинь таркас ары валдо ков.
Мадян ды удомась прок оргоди
Сэтьме весь тердьсамам монь ушов .
Мадян ды удомась прок оргоди
Сэтьме весь тердьсамам монь ушов.
Лисян, кузтембесэ аштян, озан.
Сэтьме вень коштось пештьсы мештем.
Тантейстэ лексян ды ванан кода
Менельсэ тешттне мизолдыть тень.
Тантейстэ лексян ды ванан кода
Менельсэ тешттне мизолдыть тень.
Нармунькатне мазыйстэ цёледить,
Сэтьме весь васов канды морост,
Те парось мик потмозон а кельги
Ды ёвтаван пазнэнь шнамонь озкс.
Те парось мик потмозон а кельги
Ды ёвтаван пазнэнь шнамонь озкс.
"РОССИЯДО МОРАН!!!" альбомось
Умарь чувто ды эрямось
1.Тундонь чи модась солавты
Панжиковонь лембе чинть
Умарь чувттнэ тарад сравтнить
Мазый цвет эзгаст викшнить.
Истя миньгак од поранок
Эринек прок умарь чувтт
А стувтови мазый шканок
Кода тон илязат стувт.
Мороютко:
Од тейтернекс, од церынекс
Тынк марто ульнинек минь,
Зяро чийнемат чийнинек,
Иетькак а марявить.
Шержейгадмо кармась чересь,
Кедтне сормсевсть ды сорныть.
Ансяк оймесь ды седеесь
Зярдояк а сыредить.
2. Кизна пси кувака читне
Кенерстить чувтнэс умарть
Тарадтнэ прясост а витнить
Умарь сталмось уски прянть.
Истя миньгак, зярс одтанок
Оймсемс а эрияк шкась
Умарь эйкакштнэнь кастанок
А мельгаст – умарь-нуцькат.
Мороютко:
3.Ожоковсто умарь чувтось
Берякадозь сюкони.
Варма мельга лопат тувты,
Пизем сельведте сими.
Истя ломантнень чаматне
Сексень лопат прок олыть,
Арась алест, сюлмизь прятнень
Што чи машты шумбрачись.
Мороютко:
Авай
Тиринь авай, тон авинем,
Тондеть ушодан моро.
Теке лайшезь валт ладсинек,
Штобу ледстямс тонть парот.
Тонть эйкакшот ды тонть нуцькант
Прок нармунькайть ливтязь тусть.
Эйсэст учат вальмас нучказь
Сельметь ланга таргавсь сув.
Или авардть, иля ранга,
А кадтадызь тонь ськамот.
Бути, авай, берякадат,
Эстень сайдян эрямо.
Сыречинть печтямс а шожда,
Икельксэнь шумбрачись маштсь.
Эсь мельгат якамс а кода,
Нать, секс пазось эйкакшт макссь.
Весе шкат ды весе алеть
Миненек, авай, максыть.
Симдить, андыть, оршить, карсить,
Ломанькс миньсэнек кастыть.
Ней вана минек сась чимек
Паросо пандомс парот.
Алксот-прялксот полавтсынек,
Ашокс кирдьснэк панарот.
Мадть тон, авай, лекстяк-оймсек,
Пек сизесть кедеть-пильгеть.
Лиясто а стяват овсе,
Апак удо юты веть.
Кшить ды салот свал икелеть,
Пси корштамо, тантей ведь.
Сыречись маштынзе теветь,
Авай крёст кисэнек тейть.
Сыречись маштынзе теветь,
Авай крест кисэнек тейть.
Нолды морон
Бути тонть берякадсь ежот,
Бути тевтнеде сизить,
Совак кудов, нолды морон,
Тонеть сынст мон сермадынь.
Мороюткось:
Морось лекси тундонь чисэ,
Морось – валдо, сэнь менель.
Морось сельведть тувты кисэть
Морось кенярдовты мель.
Кунсоломстот чиремть таркас,
Прят нежедик тодов лангс,
Морон кармить тонеть ялгакс,
Весе ежот сайсы тансть.
Мороюткось:
Морось лекси тундонь чисэ,
Морось – валдо, сэнь менель.
Морось сельведть тувты кисэть,
Морось кенярдовты мель.
Морось викшни цецят лугас,
Морось – кенерезь паксят.
Мородонть сэтьместэ удат,
Морось шождалгавтсы прят.
Оймсек, ялгай, сельметь кони,
Апак капша лекстяк тон.
Весе стакачинть стувтовить,
Зярдо марясы морон.
Мороюткось:
Сырнень суркс
1. Истя, нать, уш Пазось тенек мерсь
Од шкасто вечкема сы седейс.
Ды од церась педи од тейтерьс
Яксинь чинек мельга одсто мон
Тонтеметь эзинь нейть эрямом
Секскак ансяк тонеть монь сурксом.
Мороютко:
Весе потмом палы,
Псилгадкс эйсэнь валы.
Венчак тень, учан ды ванан кургс.
Сайса ашо кедеть, чова вишка кедеть
Ды тонган сурозот сырнень суркс.
Сайса ашо кедеть, чова вишка кедеть
Ды тонган сурозот сырнень суркс.
2.Вана тон ней ним – седейялгам,
Лангозот мельспарсо мон ванан.
Кедьсэть свал сырнень сурксом неян.
Мороютко: (морави кавксть)
Весе потмом палы,
Псилгадкс эйсэнь валы,
Венчак тень, учан ды ванан кургс.
Сайса ашо кедеть, чова вишка кедеть
Ды тонган сурозот сырнень суркс.
Тон те сырнень сурксонть
Ковгак иляк тувто
Куломозон вечкевиксэм ульть.
Велень церькува
Эрзянь веле куншкасо,
Якамо кинть ваксс
Ашо менель руцясо
Сэрьс церькува стясь.
Васолдо цитнить прянзо,
Чинть каршо налксить.
Ламо сельметь вальманзо
Велестень ваныть.
Мороютко:
Эрьва ёндо капшить,
Эрьва ёндо сакшныть,
Озныцядо пешкедсь
Пазонь кудось пряс.
Баягатне чавить,
Моравтомась гайни,
Кенкшензэ весенень панжи –
Велень церькувась.
Кенкшензэ весенень панжи –
Велень церькувась.
Весе куронть витизе,
Велесь ней прок ош.
А ёвтави питнезэ,
Зярдо соват потс.
Ков а варштат – пазават
Ладонь чинень тансть.
Одт, сыреть, церат, ават
Церкувастень састь.
Мороюткось 2-ксть
Песни Евгения Самаркина И ИХ ФОНОГРАММЫ-МИНУСОВКИ можно слушать и скачать здесь:
http://nudej.livejournal.com/tag/%D0%A1%D0%B0%D0%BC%D0%B0%D1%80%D0%BA%D0%B8%D0%BD%20%D0%95%D0%B2%D0%B3%D0%B5%D0%BD%D0%B8%D0%B9
